ردّت الفنانة والمطربة فريدة عبيد على الانتقادات التي طالت مظهرها بعد ظهورها مؤخرًا في برنامج "هي وبس" مع الإعلامية رضوى الشربيني.

ونشرت عبيد عبر حسابها الرسمي على فيسبوك قائلة:
"كل اللي بيتكلم ويتنمر على شكلي مريض بجد، وعايزة أعرفكم معلومة صغيرة أنا في البرنامج ده عشان موهبتي وأغنيتي اللي كتبتها ولحنتها وغنتها ونجحت والناس حبتها، مش علشان أنا بنت شكلها حلو".

وأضافت:
"اعتبروني مطربة شكلها وحش بس صوتها حلو. لو انتو مش مستوعبين إن كاميرا الموبايل مش بتجيب الشكل مظبوط زي كاميرا التليفزيون، والإضاءة والميك أب واللبس والشعر كل ده بيعمل تغيير في الشكل، يبقى دي حاجة ترجعلكم، أو تقريبا انتو ما بقيتوش قابلين تشوفوا ناس طبيعية وبسيطة مش متكلفة في ظهورها".

واختتمت بالقول:
"عمومًا زي ما قلت لكم، اعتبروني مطربة صوتها حلو بس شكلها وحش لو ده هيريحكم أنا عن نفسي مرتاحة في شكلي ومتقبلة في كل الأحوال انتو ايه مدايقكم مش فاهمين وليه أصلًا مركزين في شكلي!".

| فيسبوك | واتساب | لينكد ان