كشف الفنان رامي وحيد حقيقة تقديم جزء ثانٍ من فيلم "حلم العمر" بطولة حمادة هلال، مؤكدًا خلال مداخلة هاتفية في برنامج "كلمة أخيرة" مع الإعلامي أحمد سالم، أنه لم يعلن عن أي جزء ثانٍ، وأن ما تم تداوله كان مجرد إعادة نشر لاستوري من أحد متابعيه.

وقال وحيد: "كنت نايم صحيت لقيت كل ده حاصل، حد من الجمهور كتب عنده إنه نفسه يكون فيه جزء تاني وعمل منشن ليّ ولحمادة هلال، وأنا عملت ريبوست بس، لكن ما أعلنتش أي حاجة نهائيًا. الناس بتحب فيلم العمر الأسطورة الأيقونية وبطله حمادة هلال، وده شيء ربنا كرمنا بيه".

وعن هجوم المؤلف نادر صلاح الدين، أوضح وحيد: "أنا بعيد عن التريندات، وأي حاجة فيها جدل بريح دماغي، ومش بحب أرد على حد أساء ليا، الناس أحيانًا بتكون تحت ضغوط وبتقول كلام صعب. أنا مستغرب من كلامه وبحترم جمهور الناس اللي بيحبني".

وأضاف: "ربنا معاك يا نادر، أنا مش برد على أي إساءة، والردود الإيجابية من الجمهور كفاية. أنا اشتغلت بره مصر سنتين وعملت فيلمين في أمريكا واحد منهم خد جوائز، ومستني فيلم مهم بدور أساسي".

تابع آخر أخبار نجوم الفن لحظة بلحظة عبر موقع مصر كونكت 🔴

| فيسبوك | واتساب | لينكد ان