واصل الإعلامي أحمد شوبير، نجم الأهلي ومنتخب مصر السابق، تعليقاته الساخرة على موجة الشائعات التي تحيط بتحركات الزمالك في سوق الانتقالات الصيفية الجارية، مؤكدًا أن هناك مبالغات واضحة لا تعكس واقع الأمور داخل القلعة البيضاء، التي تُدار بهدوء وتركيز بعيدًا عن الصخب الإعلامي.

وقال شوبير خلال برنامجه الإذاعي:
"التعاقدات في الزمالك ماشية براحة جدًا ومن غير أي دوشة، لكن فجأة تلاقي إشاعة طايرة بتقول إن الصفقة القادمة فينيسيوس البرازيلي! وبعدين ييجي يقولك مش قصدي فينيسيوس بتاع ريال مدريد، طيب قصدك مين؟ جونيور؟ ولا محمد فينيسيوس؟ يعني لازم نفهم، مش كل يوم هنضحك على عقل الجمهور."

وعود خيالية وواقع مختلف تمامًا

شوبير استعاد بعض الشائعات السابقة التي أُثيرت حول تعاقدات الزمالك، ساخرًا:
"نفس الناس دول قبل كده قالوا إن الزمالك هيضم رونالدينيو! وأنا وقتها قلت يا جماعة بلاش هزار، فيه جمهور بيسمع وبيصدق، والفرق الكبيرة محتاجة جدية مش فرقعة."
صفقات هادئة دون ضوضاء

وأكد أن الزمالك هذا الموسم يتبع نهجًا مختلفًا في إدارته للملفات، حيث نجح النادي في ضم أسماء واعدة بالفعل، مثل عمرو ناصر، وأحمد شريف، والمهاجم شيكو بانزا، دون إثارة إعلامية مفتعلة.
وأضاف:
"الزمالك شغال تاتا تاتا، بهدوء وحساب. لا بيانات ولا تصريحات نارية. عندك مثلًا جون إدوارد، شايفينه؟ بيتكلم؟ بيتصور؟ لأ.. كله شغال في صمت."

الإدارة تنتصر بالنظام

وشدد شوبير على أن النظام هو أساس النجاح، قائلًا:
"محدش يعرف مين مدير الكرة تحديدًا، عبدالناصر محمد؟ فريد شوقي؟ مش مهم، المهم إن فيه منظومة شغالة ومركّزة، وده اللي بيفرق. سيبوا الناس تشتغل، لأن العجلة لما بتدور صح، النتائج بتبان."

وختم حديثه برسالة غير مباشرة للجمهور والإعلاميين:
"خلونا نبطل نصدق كل حاجة بتتقال على السوشيال ميديا، وندي للإدارة فرصة تشتغل. الزمالك بيشتغل دلوقتي بعقل، ومحتاج دعم مش تسخين ولا إشاعات كل يوم."

| فيسبوك | واتساب | لينكد ان