علق الفنان آسر ياسين على الانتقادات التي طالت حديثه مؤخرًا في إحدى اللقطات التليفزيونية، حيث ذكر معاناته في بداياته الفنية مع الغذاء البسيط بعد أيام من التعب، مشيرًا إلى أنه كان يحصل على "جمبري وفراخ" كوجبة.

وقال آسر ياسين في تصريحات تليفزيونية: "شكرًا للناس اللي بتقول جمبري وفراخ معندوش غير دي معاناة، والله لو كانت معاناتي فراخ وجمبري كنت هبقى محظوظ جدًا، ومش دي الرسالة اللي كنت أقصدها، أنت متعرفش الجمبري والفراخ اللي كنت باكلهم طعمهم كان عامل إزاي".

وأضاف: "الحمد لله على كل شيء، وأتمنى من الناس مشاهدة الحوار كاملًا وتقييمه بعيدًا عن تلخيص الكلام على صفحات تستخدم جرافيك لتقتطع أي جزء من اللقاء وتحوره لأغراض مالية، الموضوع بالنسبة لي فاسد".

وكان حديث آسر ياسين قد تصدر محركات البحث ومواقع التواصل الاجتماعي بعد ظهوره في بودكاست "حوارات مع عباس" مع السيناريست عباس أبو الحسن، حيث روى ذكرياته في البداية قائلاً: "كنت عايز أكل، أروح أقف على عربية البريك قدام الميكروباص اللي بيطلع الأكل، فأسأله الأكل إيه؟ يقولك فيه جمبري أو فراخ.. تقول جمبري؟ يقولك لأ، مفيش غير فراخ، وتاخد الساندوتش وتروح تقعد على جنب".

أعماله الأخيرة

يذكر أن آسر ياسين شارك في الموسم الرمضاني الماضي بمسلسل "قلبي ومفتاحه"، وحقق نسبة مشاهدة عالية، وشارك في البطولة مع مي عز الدين ودياب، وضمت قائمة العمل عدة نجوم منهم أشرف عبد الباقي، محمود عزب، عايدة رياض، وأحمد خالد صالح.

| فيسبوك | واتساب | لينكد ان