علق الفنان محمد إمام بطريقة ساخرة على الجدل الأخير حول الأعلى أجراً والأعلى مشاهدة بين الفنانين، قائلاً عبر حسابه على فيسبوك:
"خلاص يا جماعة بطلوا عياط، ما حصلش حاجة، كلكم أعلى أجور وأعلى مشاهدة وأعلى كل حاجة، سيبونا نشتغل في هدوء بقى الله يكرمكم علشان مفيش وقت."

ونفى إمام أن تكون رسالته موجهة لشخص بعينه، مؤكداً:
"أنا مش عارف ليه في ناس فهمت إن أنا نزلت بوست لشخص محدد، أنا عامل ليهم كلهم ونتكلم جد شويه. أنا عمري ما حطيت حد ولا هحط حد في دماغي، وده اللي اتعلمته من أبويا ربنا يخليه لينا."

وأشار إلى صعوبة كونه ابن نجم كبير في تاريخ الفن، وكتب:
"إنّي أكون ابن أكبر نجم في التاريخ، ووصلت للي أنا فيه دلوقتي ده ماكنش سهل أبداً وده كان بفضل حبكم ودعمكم ليا بعد فضل ربنا."

كما أضاف إمام:
"يعني أنا أصلاً فيا اللي مكفيني وحقيقي بتمنى الخير للجميع. المنافسة دي بتخلينا نطلع أحسن ما فينا، وكل ده في صالح الجمهور العظيم اللي زيكم. بشكر كل اللي بيحبني، أنا بحبكم أكتر بكتير وانتوا أهم حاجة في حياتي."

ويترقب الجمهور عرض مسلسل «الكينج» في الموسم الرمضاني المقبل، بطولة محمد إمام، حنان مطاوع، عمرو عبدالجليل، ميرنا جميل، سامي مغاوري، حجاج عبدالعظيم، ومن تأليف محمد صلاح العزب وإخراج شيرين عادل.

| فيسبوك | واتساب | لينكد ان