كشفت البلوجر أمنية حجازي عن الأثر النفسي العميق لأزمتها مع الداعية عبد الله رشدي، مؤكدة أنها تمر بفترة صعبة تحتاج خلالها للتعافي قبل التفكير في الزواج مرة أخرى.

وقالت أمنية في برنامج "مساء الياسمين" مع الإعلامية ياسمين الخطيب عبر قناة الشمس: "بعد تجربة زواجي من عبد الله رشدي، بقى عندي مشاكل نفسية محتاجة أحلها الأول قبل ما أفكر في الزواج تاني، علشان ما أظلمش نفسي ولا أظلم شخص معايا ولا بنتي.. أنا دلوقتي تعبانة ومكسورة". وأضافت: "أكتر حاجة وجعتني إن اتخاض في عرضي وهو مردش، وجعني سكوته.. كنت حابة لو هننفصل يبقى بأدب، مكنتش عايزة صورته تتهز ولا حد يشوفه بشكل وحش لأنه أبو بنتي".

وتحدثت أمنية عن دعم والدها الذي كان يرى في عبد الله رشدي رجل دين، قائلة: "بابا وافق عليه لأنه شايفه راجل دين، إحنا وثقنا فيه، لكنه خان الثقة، والدي لحد قريب كان متعاطف معاه وصعبان عليه الطفلة الصغيرة، ومكنش عايز الطلاق يتم، لكن لما عرف إني عرضت عليه الصلح وهو رفض، غير رأيه من ناحيته".

وأضافت أنها قررت الإفصاح عن قصتها بعد شعورها بالخذلان من شخص كانت تعتبره قدوة دينية، مطالبة عبد الله رشدي بالاعتراف بابنتهما.

وأوضحت تفاصيل زواجها: "عبد الله رشدي مش صاحب فضل عليّ في ارتدائي الحجاب، كنت أتابع محتواه وفكرت ألبس الخمار وبدأت أتعلم علم شرعي وأفكر في النقاب، فسألته لو النقاب فرض ولا سنة، ورد وقال: أنا شايف إن لبسك محترم، وده كان بداية الكلام بينا". وأضافت: "في شهر مايو طلب رقم والدي علشان يخطبني، وبعد ٤ أيام فقط من الخطوبة كتبنا الكتاب، وكان في القسيمة مكتوب إنه غير متزوج، وأنا كنت عارفة إنه سبق وتزوج واحدة قبلي وطلقها".

وتابعت: "الزواج كان رسمي وأهلي كانوا عارفين، لكني مكنتش حابة حياتي تكون على السوشيال ميديا، بعد فترة بدأت توصلني رسائل من حسابات غريبة، واكتشفت إن في سيدات بيتكلموا عني وبيخوضوا في عرضي، وعملت محضر لكن هو طلب مني أتنازل عنه". وأضافت: "أكتر ما آلمني هو صمت عبد الله رشدي رغم ما أتعرض له من هجوم.. المفروض يبقى غيور عليّ أكتر من كده".

وأكدت أمنية أن زواجها رغم الفارق العمري البالغ 14 سنة كان بهدف الاستقرار الروحي، لكنها واجهت صعوبات كبيرة، مشيرة: "التجربة كانت صعبة جدًا وكان ممكن يخرجني من ملتي".